فتاة

شايفاها عاديه جدا
_انا كويسه الحمد لله يا حبيبتي بس انت بسم الله ما شاء الله ارتديتي الحجاب امتى شكلك بدر منور فيه .
ردت عليها صاحبتها بابتسامه هاديه وقالت لها وهي بتبص على اخوها 
_بصراحه يا سمر اخويا له الفضل الكبير اني البس الحجاب والتزم وابقى زي ما انت شايفاني كده و نصحني اني البس الحجاب وحببني فيه وأنا لبسته بكل حب وما تتصوريش انا ارتحت فيه قد ايه .
بصيت لها سمر باعجاب وقالت لها وهي بتحفزها 
_الله جميل قوي عليك ومخليكي ملكه ومنور وشك جدا يا تغريد بجد حلو قوي قوي اوعي تخلعيه أبدا .
ردت عليها تغريد بنفي
_عمري ما افكر اخلعه ولا يجي في بالي اصلا هو اللي لبس الحجاب وحلاوته جماله يفكر يقلعه اصلا .
راح رادد اخو تغريد وقايل لسمر 
_على فكره لو انت جربتي تلبسي الحجاب انت كمان هتبقي حلوه فيه جدا وهيخليكي تحسي بالراحه النفسيه اكثر وهيخليك تحسي ان انت مداريه جمالك لواحد بس هو اللي يشوفه وهيخليكي تحسي ان إنتي مختلفه عن اي حد .
بصيت له بشرود وتوهان وهي بتفكر في كلامه اللي اول مره حد يقوله لها وقالت له بتساؤل 
_بجد لو لبسته هبقى شكلي حلو فيه ومش هيخنقني ولا
هيخلي شكلي وحش 
جاوبها بابتسامه هاديه وقال لها
_خالص يا انسه جربي كده تلبسيه كمجرد تجربه وشوفي شكلك هيبقى عامل ازاي صدقيني هتحسي ان انتي مرتاحه جدا ولما تيجي تخرجي وانت لابساه هتحسي ان انت جوهره متصونه للي يستاهلها
وكمل وهو بينصحها 
_بس طبعا الحجاب له معايير لبس تليق عليه وتمشي عليه فلو فكرتي ان انت تلبسي الحجاب لازم تكوني مستعده انك هتغيري من نفسك تغيير جذري ومن لبسك تغيير مختلف تماما عن اللي انت فيه فقبل ما تقدمي على الخطوه دي استعيني بالله وفكري مره واثنين وثلاثه علشان لما تخطيها ما ترجعيش فيها وتبقي عامله زي التايهه اللي مشيت نص الطريق وما بقتش عارفه تروح هنا ولا تروح هنا فقبل ما تاخذي الخطوه دي فكري فيها كويس جدا .
عجبها كلامه جدا واثر فيها واتكلموا مع بعض شويه واخذت هي وصاحبتها ارقام بعض تاني وعرفتها انها ساكنه في الكومباوند ده وشاوره لها عليه لانهم كانوا جنبه واتفقوا ان هما يقابلوا بعض تاني هي وصاحبتها وسابتهم ومشيت تفكر في الكلام اللي سمعته
ساعات بنكون غرقانين في بحر الظلمات والذنوب وربنا علشان بيحبنا بيبعت لنا طوق نجاه فلما يجي طوق النجاه ده نمسك فيه بايدينا وسناننا ونحاول على قد ما نقدر ما نسيبوش يضيع من ايدينا علشان خاطر نفسنا ترتاح وقلوبنا تغوص في الايمان وما نردش باب التوبه اللي اتفتح لنا بسهوله علشان نعيش راضيين ومرتاحين البال 
واول ما سابتهم روحت بيتها وطلعت اوضتها على طول ودخلت على النت ودورت في صفحات امازون على مجموعه حجاب ودريسات تليق عليهم ونقي كذا حاجه وبعتت تجيبهم وقالت انها هتجرب وتشوف نفسها كده كتجربه
وما فيش اربع ساعات وجاء لها الطلب اللي هي طلبته وبدات تقيس الدريس وعليه الحجاب بتاعه وتصور نفسها وتقف قدام المرايه وتلف وتشوف يمين وشمال وتنبهر من شكلها الجميل وتجرب وتجرب وتجرب لحد ما لقيت نفسها قد إيه كويسين كلهم وقعدت تبص على الصور بتاعتهم ولقيت نفسها جميله جدا في الحجاب واللبس المحتشم وفورا اخذت القرار انها ترتدي الحجاب وشافت ان هي لازم تهتدي وتوصل لاول الطريق السليم 
وارتدت سمر الحجاب وكل اللي حواليها استغربوا جدا وبقىوا يسالوها اشمعنا