الفصل 6و7

العواطف تقهر العواصف الحلقة السادسة و السابعة بقلم نورا محمد علي

انت في الصفحة 2 من 5 صفحات

من باب الحجرة ام هناك كانت عفاف وحنان ينتظره امام الباب اوقف سيارته ونظر لهن نزل بهدوئه اقتربت عفاف بارتباك وقالت
عفاف دكتور زياد

زياد خلع نظارته الشمسية ونظر لها خير
عفاف انا ابقي صاحبة نهال
زياد عارف
عفاف احنا جينا نعتذر بالنيابة عن نهال هي مش هتقدر تحضر التمرين النهاردة

نظر لها باستفسار..
حنان هي امبارح رجعت متأخرة وكمان كانت تعبانة جدا
زياد ايه الصدمة على وجهه جعلت عفاف تقول

عفاف لا مش زي ما حضرتك فهمت كانت بتشتري حاجات من المعادي واشترت فعلا وهي راجعة حصل .....
حنان وهي طول الليل ترتعش وتبكي
زياد طيب هي عاملة ايه دلوقتي

حنان هي تبان دكر بس دي عاملة زي البيبي والله وبنت حلال وزي القمر و..
ضړبتها عفاف برجل في رجلها لتصمت
حنان اه يا مفترية انت والمتوحشة التاني انا غلطانة.

عفاف حضرتك هي نايمة لانها مش نامت غير بعد صلاة الفجر فأكيد هي مش هتحضر التمرين
زياد مش مشكلة المهم انها تكون كويسة و...

قطع كلامه عندما رأها تأتي ركض التفتت عفاف لتنظر لما ينظر له
نهال اسفة حضرتك الساعة ٨ و٥ اسفة للتاخير بس آخر مرة
زياد انت كويسة
نهال زي الحصان
كانت تتكلم وهي تلهث من كثرة الجري زياد ابتسم
نهال انتوا يتعلموا ايه هنا انا بحسبكم سافرتوا
حنان هنسيبك لوحدك وانت مزة كده حد يتغرغر بيكي الخميس الجاي نسافر سوى انت عاملة ايه دلوقتي
نهال انا كويسة
عفاف كان لازم ترتاحي النهاردة علي الاقل انت راجعة نفسيتك مدمرة.
نهال محتاجة اطلع الطاقة السلبية اللي فيه يمكن وقتها... وتنهدت ثم قالت روحوا انتوا انا هتمرن ونتقابل
زياد انتي هتقدري
نهال ايوة ان شاء الله
دخل وتركهم وبعد قليل تبعته
زياد انت كويسة بجد
نهال هزت رأسها بعد نصف ساعة نظر لها وقال كفاية كده
نهال ليه
زياد بلاش تعاندي عشان متتعبيش
نهال مش تعبانة أنا متعودة أتمرن فترات طويلة
زياد هايل وبعدين انت مستواك كويس بس غير أسلوب العشر رجالة في بعض انت في البطولة هتبقي قصاد بنت مش راجل..
نهال طيب بس انا عايزة اكمل التمرين انا كده كده مش هينفع اسافر ومش هرجع اقعد في الأوضة بين اربع حيطان كمان جيم Z قافل فلو سمحت
زياد ابتسم وقال تمام بس جيم Z مش بيقفل الجمعة بس حاليا عاوز اشوف اسلوبك في الملاكمة اتفضلي..
وقف ينظر لحركة الملاكمة خاضتها وابتسم وقال مش كده
نهال في حاجة غلط
وقف خلفها قريبا منها نسبيا وأمسك ذراعها ورفعه وقال
_ ده يبقي مشدود علي الآخر والكف مرخي يعني الكف يبقي فيه مرونة عشان الوتر مع السرعة تحركي الرجل..
نهال تمام
نفذت ما قاله زياد ابتسم ولكنه سمع هاتفها المحمول يرن
نهال اسفة اني مش قفلته
زياد بريك ٥ دقائق
نهال شكرا
وما ان فتحت الخط ابتسم وهي تقول
_ حبيبي لا انا لسه في التمرين
فتحي مالك
نهال مفيش يا قلبي انا كويسة
فتحي لا مش كويسة في حاجة مضايقاكي
نهال حاډثة حصلت قدامي معرفتش انقذ البنت و..
فتحي طيب اهدي وأخذ يتكلم معها
نهال البريك خلص يا قلبي لما ارجع السكن هكلمك
وقف زياد ينتظرها ان تنهي المكالمة وضعت هاتفها في الحقيبة بعد أن أغلقته
زياد نكمل
نهال يا ريت وأكملت
زياد حلو
فركلت الرسن بقوة
_ خطيبك بيلعب ايه
نهال خطيبي انا