الشيطان المتملك

على رسغها بقوة حتى بكت من شدة الألم ليهتف بتشفي داه جازاتك علشان عنيدة و متسمعيش الكلام...و لعلمك المرة الجاية حيكون عقابك أكبر من كده بكثير....
ختم كلامه ثم مد يده إلى جيبه و عيناه لا تحيدان عن كاميليا التي ظلت جالسة في مكانها
بصمت تنظر متى سيسمح لها بالمغادرة...أخرج علبة مخملية باللون الأسود و رماها بجانبها مردفا داه علشانك إفتحيه...
ما إن فتحت العلبة بأناملها المرتجفة حتى توسعت حدقتي عينيها بغير تصديق لما تراه... خاتم من الألماس أقل ما يقال عنه انه من أجمل ما رأت في حياتها البسيطةرفعت عينيها الى وجهه لتجده ينظر لها بزهو قبل أن يقول بصوت واثق ......
الفصل الخامس عشر
نزعت نور حذائها باهمال ثم ارتمت على الاريكة القديمة في صاله الشقة قائلة بتعبآه ياني يا رجلي حموت من التعب... مش قادرة حتى اروح أوضتي.
ضحك والدها سعيد الذي كان يحمل كريم النائم بين ذراعيه قبل أن يتوجه به إلى غرفته ليضعه على فراشه ليكمل نومة بينما جلست والدتها بجانبها تنزع حذائها و حجابها و هي تقول بسخرية طبعا حتتعبي ما أنت طول الليل مقضياها رقص و تنطيط .
قطبت نور حاجبيها بانزعاج و هي تجيبها الله ياماما مش فرح أختي و بعدين لو انا مرقصتش مين حيرقص ها... دي حتى هبة رفضت انها ترقص معايا....حسابها معايا الكلبة لما اشوفها بس و عاملة نفسها صاحبة كاميليا....
الام عشان عاقلة مش زيك مچنونة طول الفرح مقعدتيش على الكرسي.
نور و هي تدلك قدميها المتورمتين ما انا قعدت لما فتحوا البوفيه.... ياااع شفتي أكلهم يقرف زي أكل المستشفى اللي بيأكلوه للعيانين كله سلطات و شوربة و حاجات بيضاء مفيهاش لاطعم و لا ريحة انا مش عارفة هما معاهم فلوس كثير ليش مش بياكلوا أكل حلو...مفيش سمك و لا لحمة.. و لا حتى فراخ.....
الام بضحك داه أكل الناس الاغنياء هما بيحبوا الاكل الصحي مش زينا يا بنتي.
نور بلهفة و قد تذكرت شيئا مهماماما هو احنا حننقل إمتى.... انا خلاص کرهت الشقة دي و الحارة خصوصا لما شفت الفيلا بتاعة جوز كاميليا.... دي تجنن ياماما ثلاث طوابق بحالها و فيها يجي مية أوضة و جنينة كبيرة أوسع من حارتنا كلها و فيها شجر كثير وورد و كمان في بيسين و ....
الام مقاطعة على مهلك يا بت بالراحة...كل داه شفتيه في الفرح....
نور بحماس أيوا ياماما و كمان شفت الفيلا من جوا لما ساعدت كاميليا انها تتطلع الأوضة... يااااه يا ماما داه جناح بحاله اكبر من شقتنا دي عندها أوضة كاملة فيها يجي ثلاث محلات لبس و حمام و جاكوزي...و تراس كبير مليان ورد و فيه قعدة كمان هو كان مقفول بس كان باين عشان الحيط كله قزاز

لما توقفي قدامه بيبين كل حاجة تحت.... و السرير بتاعهم كبير اوي يكفي عيلة بحالها و الأثاث يا ماما يجنن انا عمري ماشفت الحجات دي غير في التلفزيون....كله كوم و جوزها داه كوم ثاني...كامي محظوظة اوي يا ماما هو آه شايف نفسه شوية بس
من حقه عشان غني ووسيم و.....
قاطعتها ظربة خفيفة من والدتها على كتفها لتشهق نور پألم قبل أن تسمع والدتها تعاتبها إختشي يا بت داه جوز أختك... إيه الكلام اللي بتقوليه داه اخرسي قبل مايسمعك ابوكي.
نور بتأفف الله ياماما هو انا قلت حاجة غلط يعني ماهي دي الحقيقة.... الراجل مز أوي طول بعرض و هيبة كده زي الممثلين اللي بنشوفهم في التلفزيون داه أحلى حتى من أحمد عز و ميشيل موروني..
الام و هي تنهرها قومي يابت من قدامي على أوضتك قبل مايجي ابوكي و يمرر عيشتك قال موروني قال. مين داه.
نور بثرثرةداه ممثل أجنبى ياماما...حبقى اوريكي صورته بكرة داه داه شبه شاهين جوز كاميليا بالضبط بس مش مغرور زيه...تفتكري ياماما هو بيحب كاميليا بجد.. انا بصراحة حاسة بحاجة غريبة بينهم بس مش فاهمة إيه هيا.
الام بجدية و قد آثارها كلام إبنتها حاجة إيه يانور انت سمعتي حاجة حصلت بينهم...إحكي .
بتعملوا إيه هنا لحد دلوقتي.
قاطعها زوجها الذي خرج للتو من غرفة كريم متجها إلى غرفته....
اجابته زوجته بارتباك و لا حاجة يابو كريم دي نور بتحكيلي على حاجات كانت فايتاني في الفرح .
اومأ لهما بإيجاب قبل أن يدخل إلى غرفته... لتعود نور لثرثرتها المعتادة مفيش حاجة ياماما انا بس لاحظت انه مش بيتكلم كثير و كمان منزلش يرقص مع كامي زي كل العرايس داه حتى مسابهاش تنزل من الكرسي....
لم ترد نور ان تقلق والدتها أكثر بعد أن لاحظت تبدل حالتها لتعمد إلى تغيير الموضوع قائلة برجاء و هي تنظر لها بعيني جرو وديع
و النبي ياماما قولي لبابا خلينا ننقل على الشقة الجديدة.....
إبتسمت الأخرى و هي تشاهد حماس ابنتها الصغيرة التي نجحت في جعلها تنسى ما تفكر به منذ قليل قائلة

متقلقيش